БОЗ 2 МИЛЛИОН ДОЛЛАР БАРОИ ОБТАЪМИНКУНӢ

                   Душанбе, 17 март. (АМИТ «Ховар», Лаззат Диловарзод).- Бино ба иттилои сардори корхонаи воҳиди давлатии байниноҳиявии обу корези шаҳри Қурғонтеппа Абдумаҷид Шарифов, ҳангоми ба анҷом расидани корҳои барқарорсозӣ интиқоли барқ ба иншооти обгирӣ мӯътадил гардид. Дар ҳавзҳои таҳшинкунӣ об тоза карда шуда, ба сифати оби нӯшокӣ хуб мусоид намуд.                   Дар маҳаллаи майдони ҳавоӣ -(«Аэропорт») дар кӯчаҳои Қизил-юлдуз ва Коминтерн зиёда аз 100 хоҷагӣ бо оби тозаи нӯшокӣ таъмин гардиданд.                   Бино ба иттилои ҳамин манбаъ, тибқи шартнома Бонки европоии тараққиёт ҷиҳати беҳдошти вазъи таъмини аҳолӣ бо оби ошомиданӣ ба шаҳри Қурғонтеппа 2 млн. доллар ҷудо намуда, баргардонидани онро дар мӯҳлати дар шартнома нишон додашуда талаб карда мешавад.                    Дар назар аст, ки ин боиси боло рафтани нархи оби ошомиданӣ дар шаҳри Қурғонтеппа ва маҳалҳои атрофии он хоҳад шуд.