ДАНҒАРА БЕҲТАРИН ГӮШТИНГИРОНИ ТАРЗИ ОЗОДРО МУАЙЯН МЕКУНАД

                   Душанбе, 31 март. (АМИТ «Ховар», Пайрав Назаров).- Аз 4 то 5 апрели соли ҷорӣ дар ноҳияи Данғараи вилояти Хатлон Чемпионати Тоҷикистон оид ба гӯштини тарзи озод баргузор мегардад.                   Тавре ба АМИТ «Ховар» сармутахассиси бахши иттилоотию таҳлилии Кумитаи ҷавонон, варзиш ва сайёҳии назди Ҳукумати ҶТ Ҷалолиддин Нуров хабар дод, дар мусобиқаи мазкур варзишгарони вилоятҳои Суғду Хатлон, шаҳри Душанбе, ШНТМ бо дудастагӣ ва ВМКБ, ноҳияи Данғара ва МҶМОВ бо якдастагӣ иштирок менамоянд.                    Ғолибон ва ҷоизадорон бо дипломҳо, медалҳо ва тӯҳфаҳои Кумитаи ҷавонон, варзиш ва сайёҳии назди Ҳукумати ҶТ сарфароз хоҳанд гашт.