ДАР ПАНҶАКЕНТ БУНЁДИ БОҒҲОИ НАВ ВУСЪАТ МЕЁБАД

                      Панҷакент, 31 март. (АМИТ «Ховар», Бекназари Абӯбакр). — Чун анъана дар арафаи иди Наврӯз ва фарорасии фасли баҳор дар шаҳри Панҷакент корҳои ободонӣ ва созандагӣ вусъати тоза пайдо мекунанд.                       Муовини раиси шаҳри Панҷакент Ю. Шодиев дар сӯҳбат бо мухбири АМИТ «Ховар» гуфт, ки дар ҳашари умумихалқӣ, ки дар арафаи иди Наврӯз ва фарорасии фасли баҳор доир гардид 67631 нафар сокинони шаҳру деҳоти Панҷакент иштирок намуда, тамоми хиёбону кӯчаҳоро тоза намуданд. Аз ҷумла, 838 тонна партовҳои гуногун  бардошта, 67114 метр ҷӯйҳо ва роҳраву кӯчаҳо тоза карда шуд.                        Инчунин, 38468 бех ниҳол, аз ҷумла 8369 бех ниҳоли мевадиҳанда шинонида шуда, дар майдони 5 гектар боғ ва 3 гектар токзор бунёд гардид.