ДАР СУҒД ОЗМУНИ ВИЛОЯТИИ ЖУРНАЛИСТОН ҶАМЪБАСТ ГАРДИД
Душанбе, 10 март. (НИАТ «Ховар», Бекназари Абӯбакр). — Раиси вилояти Суғд Қоҳир Расулзода зимни мулоқот бо намояндагони воситаҳои ахбори оммаи вилоят Ҷоизаи Созмони журналистони вилояти Суғд ба номи Ҳоҷӣ Содиқро ба мухбир-суратгири рӯзномаи вилоятии «Ҳақиқати Суғд», узви Иттифоқи журналистони Тоҷикистон Исроили Рабизод (пас аз марг) сазовор донист. Дар ин бора ба АМИТ «Ховар» аз маркази иттилоот ва таҳлилидастгоҳи раиси вилояти Суғд иттилоъ доданд. Бояд гуфт, ки ҳанӯз моҳи январи соли 2009 дар бораи соҳиб шудан ба Ҷоизаи журналистони вилоят ба номи Ҳоҷӣ Содиқ байни рӯзноманигорони воситаҳои ахбори оммаи вилоят озмун эълон шуда буд. Пас аз таҳлилу муҳокимаҳо Комиссияи озмун маводи беҳтаринро барои дарёфти ҷоиза ба сурат ва мақолаҳои мухбир-суратгири рӯзномаи вилоятии «Ҳақиқати Суғд», шодравон Исроили Рабизод сазовор донист. Маврид ба ёдоварист, ки Ҷоизаи Созмони журналистони вилояти Суғд соли 1988 таъсис ёфта, соле як маротиба ба муаллифоне тақдим мегардад, ки мақолаҳояшон танҳо дар рӯзномаву маҷаллаҳои миқёси вилоят ба табъ расида бошанд.
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
