ДАР ВИЛОЯТИ ОРЕНБУРГ 107 КИЛОГРАММ ГЕРОИН МУСОДИРА КАРДА ШУД
Маскав, 5 март (АМИТ «Ховар», Ҳалима Хушқадамова). — Дар вилояти Оренбург амалиёти бастани яке аз роҳҳои интиқоли маводи нашъадори Афғонистон ба Федератсияи Русия бомуваффақият анҷом ёфт. Тавре аз дафтари матбуоти Хадамоти федералии назорати маводи нашъадори Русия ба АМИТ «Ховар» хабар доданд, қочоқчиён ният доштанд, ки миқдори зиёди маводи нашъадорро ба воситаи нақлиёти роҳи оҳан аз Ӯзбекистон ба Русия баранд. Онҳо барои ин вагони яхдони қатораи роҳи оҳанро истифода бурданд, ки ба воситаи он одатан маҳсулоти кишоварзӣ кашонда мешуд. Қатораи роҳи оҳан аз шаҳри Қӯқанд ба Оренбург мерафт. Онро баъди фуровардани бораш барои фиристодан ба шаҳри Орск тайёр намуданд. Соҳибони маводи нашъадор «бори худро» мебоист зимни ҳаракати қатора дар наздикии Орск мегирифтанд. Вале кормандони Хадамоти назорати маводи нашъадори вилояти Оренбург дар ин бора маълумоти зарурӣ гирифта буданд ва нақшаи қочоқчиёнро барбод доданд. Қочоқчиён дар километри 15 — уми роҳи оҳани Оренбург — Орск сумкаҳои пур аз героинро аз вагон партофтанд. Зимни гирифтани сумкаҳо яке аз соҳибони маводи нашъадор — сокини Тоҷикистон дастгир карда шуд, ки айни ҳол шаҳрванди Русия мебошад. Инчунин, ду қочоқчии дигар ба даст афтод, ки шаҳрвандони Ӯзбекистонанд. Дар ҷои воқеа 110 халтача героин мусодира карда шуд, ки вазни умумии он 107 килограмм аст. Героин дар яке аз корхонаҳои махфии Афғонистон истеҳсол карда шудааст. Дастгиршудагон айни ҳол дар ҳабсхонаи муваққатӣ нигоҳ дошта мешаванд. Нисбати онҳо парвандаи ҷиноӣ кушода шуд ва тафтиши он давом дорад.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
