ЭҲСОСИ ВАТАНДОРӢ

                  Истаравшан, 3 март. (АМИТ «Ховар», Ҳусейни Нарзулло) — Ноҳия Ғончӣ ҳамеша нақшаи сафарбаркунии ҷавонон ба сафи Артиши миллӣ барзиёд иҷро мекунад, — мегӯяд корманди масъули комиссариати ҳарбии ноҳияи мазкур Илҳом Бониёзов.                   Бино ба гуфти ӯ, айни замон аз як оилаи сокинони деҳаи Иторчӣ Абдумуталлиб Ҷӯраев ва Фароғат Замонова дар қисмҳои низомии Қувваҳои Мусаллаҳи Тоҷикистон 3 нафар фарзадонашон дар як вақт хизмат карда истодаанд . Писари калонии ин хонадон Ҳасанҷон Ҷӯраев дар маъракаи даъвати баҳории соли 2008 ба хизмат рафту Ҳусенҷону Абдуалӣ бошанд, бо хоҳиши худ дар даъвати тирамоҳӣ барои хизмат кардан дар сафи Қувваҳои Мусаллаҳи ҶТ ба комиссариати ҳарбии ноҳияи мазкур бо ариза муроҷиат карданд. Шумораи чунин ҷавонони ватандӯст ва ба ору номус рӯз то рӯз дар ноҳия зиёд мешаванд, — афзуд дар охир И. Бониёзов.