ФЕСТИВАЛИ ҲАФТАИ КИТОБИ КӮДАКОНУ НАВРАСОН

                  Душанбе, 30 март. (АМИТ «Ховар», Лутфия Эшонқулова).- 2 апрели соли равон дар шаҳри Душанбе ва навоҳии тобеи ҷумҳурӣ фестивали ҷумҳуриявии «Ҳафтаи китоби кўдакону наврасони Тоҷикистон» таҳти унвони «Мо насли хушбахти замон» баргузор мегардад. Он бо дастгирии Вазорати фарҳанги ҶТ ва Китобхонаи бачагонаи ба номи М. Миршакар гузаронида мешавад.                   Тавре ба мухбири АМИТ «Ховар», дар маркази матбуотии вазорат хабар доданд, мақсад аз баргузории ин ҷашнвора тарғиб ва оммавигардонии хониш дар байни кўдакону наврасон, ҷалб намудани таваҷҷўҳи хонандагони наврас ба китобхона ва китобхонӣ, ташаккули малакаҳои хониш ва дар ин замина мусоидат намудан ба такомули фарҳанги иттилоотии кўдакону наврасон мебошад.                   Вазифаҳои фестивал таъмин намудани иштироки фаъолонаи кўдакон дар баргузории чорабиниҳои гуногуни фарҳангӣ, ташаккули ҷаҳонбинӣ ва бедорсозии шавқу рағбати онҳо ба донишомӯзӣ ва тарбияи хислатҳои беҳтарини инсонӣ ба шумор меравад.                  Дар фестивал адибону олимон ва хонандагони мактабҳои ҷумҳурӣ ва кӯдакони синни томактабӣ иштирок менамоянд.                 Фестивал як ҳафта идома меёбад ва 8-уми апрел дар Театри ҷавонони ба номи М. Маҳмудов ҷамъбаст хоҳад гардид.