ФОРУМИ 4-УМИ БАЙНИПАРЛУМОНИИ ТОҶИКИСТОНУ РУСИЯ БАРГУЗОР МЕШАВАД

                   Душанбе,16 март.(АМИТ «Ховар», Марзия Саидова).-Раиси Маҷлиси миллии Маҷлиси Олии ҷумҳурӣ Маҳмадсаид Убайдуллоев зимни мулоқоташ бо муовини раиси Комиссияи Шӯрои Федератсияи Маҷлиси Федералии Федератсияи Россия оид ба регламент ва ташкили фаъолияти парламентӣ, аъзои Кумитаи Шӯрои Федератсия роҷеъ ба корҳои ИДМ Олег Пантелеев, ташрифи парламентарҳои Русия ба Душанбе ва баргузории ҷаласаи дуюми Комиссияи дуюми Комиссияи доимии байнипалатавӣ, ки дар партави охирин сафари Президенти мамлакат ба Федератсияи Россия ва нақшаи ҳамкориҳои парламентҳо анҷом гирифт, нек арзёбӣ намуд.                   М. Убайдуллоев таъкид кард, ки потенсиали Комиссия дар баррасии масъалаҳои рушди муносибатҳои байнипарлумонӣ, ки бо фароҳам овардани фазои мусоиди ҳуқуқӣ ба тавсеаи робитаҳои иҷтимоиву иқтисодии кишварҳо нақши муассир гузошта тавонад, равона карда шавад, хусусан ба коҳиш додани бӯҳрони молиявӣ.Дар мулоқот, ҷонибҳо ҳамзамон масъалаи омодагӣ ба Формуи 4-уми байнипарлумониии Тоҷикистон -Россия: нерӯи ҳамкориҳои байниминтақавӣ, ки нимаи дуюми соли 2009 дар шаҳрҳои Москва ва Санкт-Петербурги Федератсияи Россия баргузор хоҳад гашт, табодули назар карданд.