ХИШТИ НАХУСТИНИ БИНОИ НАВИ САФОРАТИ АФҒОНИСТОН ГУЗОШТА ШУД
Душанбе, 31 март.(АМИТ «Ховар», Марзия Саидова).- Шоми 30 март дар шаҳри Душанбе хишти нахустини пойдевори бинои нави сафорати Ҷумҳурии Исломии Афғонистон дар Ҷумҳурии Тоҷикистон гузошта шуд. Дар маросими он сафири фавқулодда ва мухтори Ҷумҳурии Исломии Афғонистон дар Ҷумҳурии Тоҷикистон Сайидмуҳаммади Хайрхоҳ ва муовини аввали Вазири корҳои хориҷии Ҷумҳурии Тоҷикистон Абдулло Юлдошев ва дигар намояндагони идораи сиёсати хориҷии Тоҷикистон иштирок доштанд. Тибқи иттилои корманди бахши матбуоти сафорати Афғонистон дар Душанбе Шамсулҳақи Ориёнфар, бинои нави сафорати Афғонистон дар кӯчаи Маяковскийи Душанбе дар масоҳати 1 гектар замин ба маблағи беш аз 4 миллион доллари ИМА сохта мешавад. Бинои нави сафорат аз ҷониби ширкати сохтмонии «Рустбахт»-и Тоҷикистон, ки дар тендер дар миёни 28 ширкати сохтмонӣ ғолиб омадааст, дар зарфи 2 сол бунёд карда мешавад. Бинои нави сафорат аз чор ошёна иборат буда, дар он сафорат, консулгарӣ, қароргоҳи сафир ва иқоматгоҳи намояндагони дипломатии Афғонистон ҷойгир карда мешаванд. Бояд тазаккур дод, ки сафорати Ҷумҳурии Исломии Афғонистон аз соли 1995 дар Душанбе ба фаъолият шурӯъ кардааст. Консулгарии ин кишвар ҳанӯз дар замони побарҷо будани собиқ Иттиҳоди Шӯравӣ, аз соли 1990 фаъолият менамояд. Алҳол, бинои сафорати Афғонистон дар кӯчаи Мирзо Турсунзода — 124 воқеъ мебошад.
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
