ИСТЕҲСОЛИ МАҲСУЛОТИ КОРХОНАҲОИ ШАҲР ҚАНОАТБАХШ НЕСТ

                  Душанбе, 12 март (АМИТ «Ховар», Лаззат Диловарзод).- Тибқи маълумоти омори шаҳри Душанбе, дар моҳи январи соли 2009 аз 231 корхонаи шаҳр танҳо 108 корхона нисбат ба сатҳи соли гузашта бештар маҳсулот истеҳсол карда тавонист, ҳол он ки шароити истеҳсолии корхонаҳои саноатиии шаҳр нисбат ба дигар корхонаҳои вилоятӣ беҳтар аст.                  Аз ҷумлаи корхонаҳое, ки бештар маҳсулот истеҳсол кардаанд метавон Иттиҳодияи истеҳсолии «Тоҷиктекстилмаш», ҶС «Ширин», «Комбинати Панир», Ҷамъиятҳои саҳомии шакли кушодаи «Нонпаз», «Кӯҳандӯз», «Нафиса», «Обшорон», «Ҳумо» ва «Сомон-Саноат Нурафзо» ва боз чанд ҷамъиятҳои масъулияташон маҳдудро номбар кард, ки нисбат ба ҳамин давраи соли гузашта бештар маҳсулот бароварданд.