ИСТЕҲСОЛИ САБЗАВОТ ДАР ГАРМХОНАҲО МЕАФЗОЯД

                  Душанбе, 4 март (АМИТ «Ховар», Лаззат Диловарзод).- Аз Раёсати растанипарварии Вазорати кишоварзӣ ба мухбири АМИТ «Ховар» иттилоъ доданд, ки истеҳсоли помидору бодринги гармхонаҳо рӯз аз рӯз зиёд мегардад.                   То 3 марти соли ҷорӣ дар ҷумҳурӣ ба миқдори 27 тонна помидор ва 40,7 тонна бодиринг истеҳсол карда шудааст. Аз ҷумла дар вилояти Суғд 26 тонна помидор ва 40, 7 тонна бодиринг истеҳсол карда шудааст.                  Дар вилояти Хатлон ҳамагӣ 7,5 тонна помидор ва 19 тонна бодиринги гармхонаҳо ҷамъоварӣ гардидааст.Ин омил дар ноҳияҳои тобеи ҷумҳурӣ боз камтар ба чашм мерасад. Ноҳияҳои тобеи ҷумҳурӣ ба бозорҳои пойтахт ҳамагӣ 3,5 тонна помидор ва 9 тонна бодиринг пешниҳод намуданд, ки ин нисбат ба имкониятҳои мавҷуд буда хеле кам аст.