КӮМАКҲОИ РОССИЯ БАРОИ КИСТ?

                     Душанбе, 25 март. (АМИТ «Ховар», Лаззат Диловарзод).- Бино ба гуфти масъули шӯъбаи ҳамкориҳои байналмилалии Кумитаи ҳолатҳои фавқулодда ва мудофиаи граждании назди Хукумати ҷумҳурӣ подполковник Аҳлиддин Мирзоев, рузи 26- уми март тавассути ҳовопаймои Вазорати ҳолатҳои фавқулоддаи Россия ба Тоҷикистон кӯмакҳои башардӯстона ворид мешавад.                      Бояд тазаккур дод, ки ин сеюмин ҳавопаймои боркаши Вазорати ҳолатҳои фавқулоддаи Россия мебошад, ки бо кӯмакҳои башардӯстона вориди Тоҷикистон мешавад. Аз рӯи маълумоти ба даст омада, бо ин се ҳавопаймо ба Тоҷикистон 25 тонна қанд, 13,1 тонна консерва, 100 дона хайма, 3 ҳазор дона кӯрпаю кампали гарм 100 дона таҷҳизоти гармидиҳӣ, 9 дона таҷҳизоти барқдеҳ оварда мешавад.                     Дар давоми моҳҳои январ- феврали соли 2009 ба Тоҷикистон аз 26 мамлакати хориҷӣ ба маблағи 16 млн. 550 ҳазор доллар ёрии башардӯстона расонида шудааст.                      Ҳангоми як назарпурсӣ дар шаҳри Душанбе маълум гардид, ки нафақахӯрон дар ин ду моҳи охир аз ин ёриҳои башардӯстона огаҳӣ надоранд.