КОНФРОНСИ ИЛМӢ ГУЗАШТ, АММО БАДНОМӢ МОНД

                      Душанбе, 31 март. (АМИТ «Ховар», Лаззат Диловарзод).- Ба бонувони вилояти Хатлон, ки мехостанд дар мавзӯъҳои «Зиндагиномаи Имом Абӯҳанифа», «Мақоми зан аз нигоҳи Имом Абӯҳанифа», «Одоби зан аз нигоҳи фиқҳи Имом Абӯҳанифа» ва боз мавзӯъҳои дигари ба ҷашни бузургдошти ин Пири тариқат марбут буда, конфронси илмӣ- фарҳангӣ доир намоянд, ҳукумати вилояти Хатлон ҷой надод.                      Ба гуфти роҳбари конфронс Хайриниссо Саидова, баъди он ки талаби занон барои баргузории конфронс дар толори маркази иттифоқҳои касабаи вилоят, ки ҳамаи онҳо (120 нафар занон) аъзои ин иттифоқи ҷамъиятианд ва ба гуфти раиси Шӯрои иттифоқҳои касабаи вилоят Ҷамшед Раҳмонов, баргузории ин конфронс аз тарафи ҳукумати вилоят дар ин толор рад карда шуд, онҳо конфронсро дар ҷои номувофиқтар баргузор намуданд, аммо бадномӣ ба унвони мақомоти иҷрояи ҳокимияти давлатии вилоят, федератсияи ӣттифоқҳои касаба ва дигар идораҳои марбута вирди забонҳо гардид.