КОНИБОДОМ МАКОНИ БОДОМ МЕШАВАД

                 Душанбе, 12 март (АМИТ «Ховар», Лаззат Диловарзод).- Бино ба маълумоти Раёсати кишоварзии вилояти Суғд, соли ҷорӣ дар маъракаи ободонӣ ва кабудизоркунии шаҳру навоҳии кишвар, дар ду тарафи роҳи Конибодом -Хуҷанд беш аз 20 ҳазор ниҳоли бодом шинонда шудааст.                 Тибқи маълумоти ҳамин манбаъ масоҳати бодомзори ноҳия ба 47,7 гектар расонида шуд. Барои парвариши бодоми навъи «Фарғона» иқлими ин ноҳия хеле мувофиқ аст.                Дар назар аст, ки масоҳати боғҳои бодоми ноҳия то ба 200 гектар расонида шаванд ва Конибодом ба маънии аслиаш макони бодом бошад.