ЛОИҲАИ НАВИ ҚОНУНИ ЗАБОН ТАҲИЯ МЕШАВАД

                 Душанбе, 27 март. (АМИТ «Ховар», Лаззат Диловарзод).- Мулоқоти Президенти кишвар-Эмомалӣ Раҳмон бо зиёиёни кишвар ба таҳияи лоиҳаи нави Қонуни забон замина гузошт.                 Ба гуфти Сарвари давлат ин қонун «дар замони Шӯравӣ таҳия шуда ба ниёзҳои имрӯзаи ҷомеа ҷавобгӯ нест».                 Тибқи иттилои манбаъҳои расмӣ, гурӯҳи корӣ аз мутахассисони забоншинос таъсис дода шудааст то ин санадро таҳия намоянд.                 Сарвари давлат ҳамчунин пешниҳод намуд, ки ба муносибати 20- солагии истиқлолияти Тоҷикистон фарҳанги шашҷилдаи забони тоҷикӣ таҳия ва нашр карда шавад.                 Соли ҷорӣ аз қабули Қонуни забони тоҷикӣ 20 сол сипарӣ мешавад.