МАЙДОНҲОИ КИШТИ ПАНҶАКЕНТ МЕАФЗОЯД

                   Панҷакент, 31 март. (АМИТ «Ховар», Бекназари Абӯбакр). — Бо фарорасии фасли баҳор дар тамоми минтақаҳои ҷумҳурӣ мавсими кишту кор оғоз мегардад. Кишоварзони ноҳияи Пнҷакент имсол ният доранд, ки дар майдони 10913 гектар кишти баҳорӣ гузаронанд.                    Муовини сардори раёсати кишоварзии шаҳри Панҷакент Фирӯз Ёров зимни сӯҳбат бо мухбири АМИТ «Ховар» зикр намуд, ки тибқи нақша кишоварзони ноҳия соли ҷорӣ бояд дар майдони 900 гектар гандуми баҳорӣ, 400 гектар ҷав, 400 гектар ҷувории донӣ, 800 гектар шолӣ, 1600 гектар нахӯд, 1700 гектар зағир, 900 гектар офтобпараст, 250 гектар картошка, 70 гектар помидор, 120 гектар сабзӣ, 110 гектар пиёз ва 10 гектар харбузаю тарбуз кишт кунанд.                    Бояд гуфт, ки дар баробари ин, бо мақсади фароҳам овардани захираи хуби хӯроки чорво дар майдони 340 гектар ҷуворимакка барои силос, 10 гектар лаблабу, 103 гектар алафи яксола ва 800 гектар юнучқа кишт карда хоҳад шуд.