МУЛОҚОТИ ҲАЙАТҲОИ БАЙНИДАВЛАТИИ ТОҶИКИСТОН ВА ҚИРҒИЗИСТОН
Душанбе, 4 март. (НИАТ «Ховар», Бекназари Абӯбакр). — 3 марти соли ҷорӣ дар шаҳри Хуҷанди вилояти Суғд мулоқоти ҳайатҳои байнидавлатии Ҷумҳурии Тоҷикистон ва Ҷумҳурии Қирғизистон, ки онҳоро котибони Шўрои амнияти ин кишварҳо Амирқул Азимов ва Адахан Мадумаров сарварӣ менамоянд, баргузор шуд. Роҳбари маркази иттилоот ва таҳлили дастгоҳи раиси вилояти Суғд Илҳом Ҷамолов ба мухбири АМИТ «Ховар» хабар доданд, ки дар ҳайати Ҷумҳурии Қирғизистон губернатори вилояти Боткен Мурадбек Ҷумъабеков, намояндагони вазоратҳои корҳои хориҷӣ, корҳои дохилӣ, нақлиёт ва коммуникатсия, хадамоти марзбонӣ, ҳамчунин раисони навоҳии ҳамарзи қирғизии ҳаммарз бо вилояти Суғди Ҷумҳурии Тоҷикистон шомил буданд. Аз ҷониби Тоҷикистон дар музокироти мазкур раиси вилояти Суғд, муовини аввали раиси Маҷлиси Миллии Маҷлиси Олии Ҷумҳурии Тоҷикистон Қоҳир Расулзода, вазири нақлиёт ва коммуникатсияи Ҷумҳурии Тоҷикистон Абдураҳим Ашўр, вазири мелиоратсия ва хоҷагии об Саиди Ёқубзод, директори Агентии заминсозӣ, геодезӣ ва харитасозии назди Ҳукумати Ҷумҳурии Тоҷикистон Маҳмадтоир Зокиров, намояндагони вазоратҳои корҳои хориҷӣ, корҳои дохилӣ, хадамоти марзбонӣ ва дигар шахсони расмӣ ширкат намуданд. Ҳайатҳои байнидавлатии Ҷумҳурии Тоҷикистон ва Ҷумҳурии Қирғизистон рафти иҷрои созишномаҳои байни ин кишварҳо имзогашта, аз ҷумла Баёнияи муштараки президентҳои Тоҷикистону Қирғизистон аз 16 майи соли 2008 (шаҳри Хуҷанд) ва рафти татбиқи қарорҳои Ёддошти мулоқоти ин ҳайатҳоро дар шаҳри Боткан аз 26 ноябри соли 2006 мавриди муҳокима қарор доданд. Ҷонибҳо ҳамчунин маҷмӯи масъалаҳоро оид ба ҳамкории байнидавлатӣ дар сатҳи намояндагии вазорату идораҳои иштирокдори мулоқот баррасӣ намуданд. Дар фарҷоми ин мулоқот аз рўи масъалаҳои баррасишуда Ёддошти мулоқоти ҳайатҳои байнидавлатии Ҷумҳурии Тоҷикистон ва ҷумҳурии Қирғизистон аз ҷониби котибони Шўрои амнияти ин кишварҳо Амирқул Азимов ва Адахан Мадумаров ба имзо расид.
Имрӯз дар ноҳияҳои кӯҳии Тоҷикистон бориши борон дар назар аст
КОНСТИТУТСИЯ — РАҲНАМОИ ДАВЛАТДОРИИ МИЛЛӢ. Дар ноҳияи Ёвон ҳамоиши тантанавӣ баргузор шуд
Конститутсия кафолати адолати иҷтимоӣ, сулҳу ваҳдат ва рушди устувор аст
Бахшида ба Рӯзи Конститутсия дар Вазорати рушди иқтисод ва савдо ҳамоиши тантанавӣ доир шуд
Дар ноҳияи Рӯдакӣ бахшида ба Рӯзи Конститутсия конференсияи илмӣ-назариявӣ доир шуд
Рӯзи Конститутсияи Тоҷикистон дар Вазорати энергетика ва захираҳои об бошукуҳ таҷлил гардид
Бахшида ба 32-солагии қабули Конститутсия дар Кумитаи давлатии идораи замин ва геодезӣ ҷамъомади тантанавӣ доир шуд
Дар мавзуи «Конститутсияи Тоҷикистон дар масири таҳкими давлатдории миллӣ ва сиёсати созанда» ҳамоиши илмӣ доир шуд
Дар Вазорати адлия бахшида ба Рӯзи Конститутсияи Тоҷикистон ҳамоиш доир гардид
КОНСТИТУТСИЯ ВА ТАҚДИРИ МИЛЛАТ. Аз андешаи давлатдорӣ то фарҳанги созандаи ҷомеа
Конститутсияи Ҷумҳурии Тоҷикистон санади муҳиму сарнавиштсоз барои миллати тоҷик аст
