НАВРӮЗИ ДУШАНБЕ «ВАҲДАТОФАРИН» АСТ
Душанбе, 16 март.(АМИТ «Ховар», Марзия Саидова).-«Ваҳдатофарин» чунин ном гирифтааст намоишномаи театрикунонидашудаи истиқболи ҷашни Наврӯзи Душанбе, ки он 21 март дар Варзишгоҳи марказии ҷумҳурӣ гузаронида мешавад. Дар робита ба истиқболи сазовор ва дар сатҳи баланд ҷашн гирифтани Наврӯзи фархунда Раиси шаҳри Душанбе Маҳмадсаид Убайдуллоев қарор ба имзо расонд. Назар ба иттилои сардори идораи фарҳанги шаҳри Душанбе Шаҳло Мӯсоева намоишномаи театрикунонидашудаи ҷашни Наврӯзи Душанбе ҳунарпешаи шинохтаи ҷумҳурӣ Убайдулло Раҷабов мебошад. Ҷашни Наврӯзи Душанбе бо фарогири тамоми суннатҳои миллӣ истиқбол гирифта шуда, таҷассумгари фарҳанги мардумони ориёӣ мебошад. Ҷашни Наврӯзи фархундаро бидуни чорабиниҳои варзишӣ тасаввур кардан ногузир аст. Аз ин рӯ, 22 март дар Варзишгоҳи марказии ҷумҳурӣ соати 14 мусобиқаи гӯштингирӣ баргузор мегардад, ки дар он аз тамоми минтақаҳои ҷумҳурӣ паҳлавонон ва гӯштингирони шинохта бо ҳам қувваозмоӣ менамоянд. Ҳамзамон, рӯзҳои ҷашни Наврӯз дар Боғҳои фарҳангу фароғатии пойтахт- Боғи Айнӣ, Дӯстии халқҳо, Майдони 800-солагии Маскав ва назди Кӯли ҷавонон сайругашти идонаи наврӯзӣ баргузор гардида, намоиш ва фурӯши маҳсулоти кишоварзӣ, ширинию кулчақандҳо ва дигар ҳунарҳои мардумӣ ташкил карда мешавад.
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
