НИҲОЛҲО БОЯД САБЗАНД

                 Кӯлоб, 4 март (АМИТ «Ховар», Сулаймон Холов).- Идораи бозрасии ҳифзи муҳити зисти минтақаи Кӯлоб хабар медиҳад, ки то имрӯз дар ин ҷо беш аз яку ним миллион ниҳол шинонда шуд ва то охири мавсим ин шумора ба се миллион бех мерасад.                 -«Солҳои гузашта низ ҳамин қадар ниҳол шинонида мешуд, вале муттаассифона 30 фоизи онҳо хушк мегардиданд»-мегӯяд сардори идораи бозрасии ҳифзи муҳити зисти минтақаи Кӯлоб Ҳасан Амиров.Аз ин рӯ, ба гуфтаи Амиров имсол тибқи қарори қабулшуда одамони ба хушк шудани ниҳолҳо роҳ дода, ҷаримабандӣ хоҳанд шуд.                 «Сабзу хуррам гардондани маҳалли зист вазифаи ҳар яки мост ва мо набояд ба хушк шудани ниҳолҳо роҳ диҳем»-гуфт Амиров.