НИҲОЛШИНОНӢ ДАВОМ ДОРАД

              Истаравшан, 3 март. (АМИТ «Ховар», Ҳусейни Нарзулло) — Хоҷагиҳои ноҳияи Исфара муташаккилона ба маъракаи шинонидани ниҳолҳо оғоз карданд,- иброз дошт мудири шӯъбаи кишоварзии мақомоти иҷроияи ҳокимияти маҳаллӣ Ҳ. Ахмадзода.               Бо сабаби мусоид омадани обу ҳаво аллакай дар ноҳияи зикршуда беш аз 3000 бех ниҳолҳои гуногун шинонида шуданд. Дар ин кори хайр саҳми хоҷагиҳои ба номи Нуриддинов ва Мукаррамов калон аст. Рафти ниҳолшинонӣ дар хоҷагиҳои деҳқонии «Чоркӯҳ», «Саховат», «Чилгазӣ» ва ба номи З. Ҳасанов вусъат меёбад. Пеш аз ҳама, ба барқарор кардани боғҳои кӯҳнашуда аҳамият дода мешавад. Гузашта аз ин бунёди боғҳои нав низ дар маркази таваҷҷӯҳи хоҷагиҳои кишоварзӣ қарор дорад.