НИСБАТИ СОЛИ ГУЗАШТА КИШТ ЗИЁД АСТ

                     Душанбе, 4 март (АМИТ «Ховар», Лаззат Диловарзод).-Тибқи маълумоти Раёсати растанипарварии Вазорати кишоварзӣ, нақшаи кишти баҳорӣ дар соли 2009 ба 134 ҳазору 170 гектар расонида мешавад.                     То 2-юми марти соли ҷорӣ дар майдони 29 ҳазору 634 гектар кишти баҳорӣ гузаронида шудааст, ки нисбат ба соли гузашта зиёд аст. Дар ин муддат дар майдони 13 ҳазору 888 гектар заминҳои обӣ кишти баҳорӣ гузаронида шудааст.                     Ҳамчунин, хоҷагиҳои деҳқонӣ (фермерӣ) майдони 52 ҳазору 73 гектар заминҳои кишти тирамоҳиро бо ғизо таъмин намуданд.                     Кишти баҳорӣ дар хоҷагиҳои кишоварзии вилояти Хатлон ба 38 ҳазору 211 гектар расонида шудааст, ки баробари 53,5 фоизи нақша мебошад.