САҲНАЧАҲОИ ҲАҶВӢ БО ИШТИРОКИ «НИКУЛИНИ ТОҶИК»

                 Душанбе, 5 март. (АМИТ«Ховар», Лутфия Эшонқулова).- Сирки давлатии Тоҷикистон бахшида ба иди «Навруз» барномаи идонаи махсусро тайёр намуд. Он таҳти роҳбарии директори студияи ҳунарҳои сиркӣ Ашӯр Раҷабов таҳия шудааст. Тавре ба АМИТ «Ховар» муовини директори Сирк Давлат Сафаров иброз дошт, ба барномаи мазкур саҳнаҳои нав ва баромади анъанавии гимнастҳо, атраксиони ҳайвонҳо ва масхарабозҳо дохил мешаванд. Саҳначаҳои ҳаҷвиро яке аз масхарабозони машҳури тоҷик Ҷамолиддин Садриддинов, ки зиёда аз 40 сол дар саҳнаи сирки тоҷик баромад мекунад, иҷро менамояд. Масахарабози машҳури рус Юрий Никулин ӯро «Никулини тоҷик» номида буд.                Барномаи наврӯзӣ аз 21 март оғоз ёфта, то охири моҳ давом мекунад.