САБАБИ КАМШАВИИ СОҲИБКОРИРО КӢ БОЯД ШАРҲ ДИҲАД

                 Душанбе, 16 март. (АМИТ «Ховар», Лаззат Диловарзод),- Шумораи соҳибкорони тибқи шартнома фаъолият дошта дар Раёсати андози вилояти Хатлон ба миқдори 72 нафар, Раёсати андози шаҳри Душанбе -389 нафар кам гардидпанд. Ҳамчунин соҳибкорони дар асоси шаҳодатнома фаъолиятдошта, дар нозироти андози ноҳияҳои Файзобод, Тавилдара, Ҷиргатол ва ноҳияи Нуробод мутаносибан 69, 81, 88 ва 34 нафар кам гардидааст. Дар моҳи декабри соли 2008 шумораи соҳибкорони дар асоси патент фаъолият дошта ба 75 ҳазору 138 нафар баробар буд, ки нисбат ба 1 сол пеш 3175 нафар зиёд аст. Бо вуҷуди он, шумораи соҳибкорони бо патент коркунанда дар як қатор мақомоти андоз кам гардидааст, вале то имрӯз мақомоти андози шаҳру ноҳияҳои ҷумҳурӣ сабаби камшавии онро тавзеҳ надодаанд.