САФАРИ ЭМОМАЛӢ РАҲМОН БА МУҒУЛИСТОН

                     Душанбе, 25 март. (АМИТ «Ховар», Наргис Бояхмедова). — Президенти Ҷумҳурии Тоҷикистон Эмомалӣ Раҳмон 26 март барои боздиди расмӣ ба Муғулистон меравад. Маросими расмии истиқболи Президенти Тоҷикистон 27 март дар Қасри давлатии Улон — Ботур баргузор хоҳад гашт. Сипас Президенти Тоҷикистон бо Президенти Муғулистон Номбарин Энхибоёр мулоқот мекунад.                      Инчунин, гуфтушунидҳои Эмомалӣ Раҳмон бо муовини раиси Хурали бузурги давлатӣ (парлумони) Муғулистон Эн Энхиболт ва муовини аввали сарвазири Муғулистон Олтон Хуяк ба нақша гирифта шудаанд.Аз дафтари матбуоти вазорати корҳои хориҷӣ ба АМИТ «Ховар» хабар доданд, ки дар фарҷоми гуфтушунидҳо силсилаи ҳуҷҷатҳо ба имзо мерасанд.