САХОВАТИ «ОРИЁНБОНК» ВА МАБЛАҒИ ҚАРЗИИ ОН

                   Душанбе, 30 март. (АМИТ «Ховар», Лаззат Диловарзод).- Маблағҳои қарзии Ҷамъияти саҳомии «Ориёнбонк» дар ду моҳи соли ҷорӣ беш аз 700 млн. сомониро ташкил дод.                   Бино ба иттилои маркази матбуоти ҶСК «Ориёнбонк» то 1-уми марти соли ҷорӣ ҳаҷми маблағҳои қарзии он ба шахсони воқеӣ ва ҳуқуқӣ беш аз 700 млн. сомониро ташкил додаст. Аз ҷумла барои корҳои тиҷорати хусусӣ 73,1 фоиз, хоҷаги кишоварзӣ 27,7 фоиз ва давлатӣ 0,6 фоиз қарз дода шудааст.                   Дар ин муддат «Ориёнбонк» 63,6 фоиз барои корхонаҳои тиҷоратии хусусӣ, 14,1 фоиз барои рушди хоҷагии кишоварзӣ ва 22 фоиз барои корхонаҳои давлатӣ ба тариқи нақдӣ бо доллар қарз додааст, ки ин калонтарин нишондиҳандаи қарзӣ миёни бонкҳои кишвар мебошад.