САИДҶОН ДЕҲАИ БАЛХАКРО БАДНОМ КАРД

                      Душанбе, 2 март. (АМИТ «Ховар», Жасмин Назарова). — Аз ҷониби кормандони шӯъбаи корҳои дохилаи ноҳияи Шаҳринав шаҳрванд Мирзоев Саидҷон, соли таваллудаш 1978, истиқоматкунандаи деҳаи Балхаки ноҳияи мазкур дастгир карда шуд. Тавре ба АМИТ «Ховар» аз дафтари матбуоти Вазорати корҳои дохилаи ҶТ Маҳмадулло Асадуллоев хабар дод, ҳангоми кофтуков аз хонаи истиқоматиаш 1 кг 866 гр маводи нашъадори навъи бангдона ошкор карда шуд. Нисбати ин далел парвандаи ҷиноӣ кушода шуда тафтишот идома дорад.