САРМОЯГУЗОРӢ БАРОИ НЕРӮГОҲҲОИ ХУРД ОҒОЗ ЁФТ

                     Душанбе, 5 март. (АМИТ «Ховар», Лаззат Диловарзод).- Бино ба иттилои мудири шӯъбаи мониторинги раёсати энергетика Вайсиддин Тиллоев, соли ҷорӣ тибқи супориши Сарвари давлат 50 нерӯгоҳи хурди барқӣ сохта мешавад. Аллакай корҳои сохтмонии 20 нерӯгоҳ бо ҷалби сармоягузории хориҷӣ ва дохилӣ оғоз ёфтааст.                     Дар давоми 19 соли охир 150 нерӯгоҳҳои хурди барқи обӣ сохта ба истифода дода шудааст. Аз ин миқдор 96-тои он дар тамоми фасли сол ва 54-тояш дар фаслҳои тирамоҳу зимистон фаъолият мекунанд.