СЕ АГРЕГАТИ НБО «ҚАЙРОҚҚУМ» АЗ КОР БОЗДОШТА ШУД

                    Душанбе, 5 март (АМИТ «Ховар», Наргис Бояхмедова). — Роҳбари дафтари матбуоти раиси вилояти Суғд Илҳом Ҷамолов ба АМИТ «Ховар» хабар дод, ки се агрегати Нерӯгоҳи барқи обии «Қайроққум» барои пур кардани оби обанбори нерӯгоҳ аз кор боздошта шуд.                    Ёдовар мешавем, ки зимни маҷлиси дуюми комиссияи байниҳукуматии ҳамкории тиҷоратию иқтисодии Тоҷикистону Ӯзбекистон 18 феврали соли равон дар шаҳри Душанбе ҷадвали пур кардани оби обанбори «Қайроққум» ва сар додани оби он мувофиқа карда шуда буд. Тибқи паймони ба даст омада ҷониби Тоҷикистон обанбори «Қайроққум» — ро то 30 май бо об пур мекунад. Баъди пур шудани обанбор оби он барои қонуъ гардондани эҳтиёҷоти Ӯзбекистон дар ҳар сония аз 300 то 600 метри мукааб сар дода хоҳад шуд.