ШӮҲРАТИ РУБОИЁТИ УМАРИ ХАЙЁМ ДАР ИСРОИЛ

                      Байтулмуқаддас, 12 март (АМИТ «Ховар» — «Мигнюс.ком»). — Бостоншиносон зимни кофтукови ҳафриёт дар шаҳри кӯҳнаи Байтулмуқаддас кӯзаеро пайдо карданд, ки дар он як рубоии шоир ва мутафаккири бузурги форсу тоҷик Умари Хайём сабт карда шудааст. Кӯзаи ёфтшуда ба асрҳои ХП -ХШ мансуб мебошад. Хабар дода мешавад, ки гурӯҳи бостоншиносон дар ин ҷо таҳти роҳбарии доктор Рина Авнер кофтукови бостоншиносӣ мегузаронад. Кӯза бо махлути хокаи фирӯза андуда, бо гулҳои гуногун оро дода шудааст. Рубоӣ дар он бо ранги сиёҳ сабт ёфтааст. Олими исроилӣ Ривка Коен — Амин изҳор намуд, ки рубоии дар он сабтгардида, ба Умари Хайём тааллуқ дорад. Онро доктор Юлий Рабинович ба забони яҳудӣ тарҷума намуд.                   Дар бораи кӯзаи ёфташуда ва тасвири рубоии Умари Хайём дар он доктори донишгоҳи Бен — Гуриони шаҳри Нақаб Нисон Амитай — Прейс маърӯза хоҳад кард.                    Матни пурраи дар кӯзаи ёфтшуда сабтгардидаи Умари Хайём чунин аст:                    Ин косагаре, ки косаи сарҳо кард,                   Дар косагарӣ санъати худ пайдо кард,                   Бар хони вуҷуди мо нагун коса ниҳод,                    В — он косаи сарнагун пур аз савдо кард.                    Мухбири АМИТ «Ховар» ёдовар мешавад, ки кӯзаҳо бо навиштаҷоти осори адибони тоҷику форс солҳои гуногун дар мамлакатҳои дигар низ ёфт шуда буданд, вале чунин кӯза дар Исроил бори аввал ёфт шуд.Тарҷумон — Қудратов А.