СОХТМОНИ ҚАСРИ ФАРҲАНГ

                 Мӯъминобод, 5 март. (АМИТ «Ховар», Сулаймон Холов).- Бо ташаббуси раиси ноҳияи Мӯъминобод Сафаралӣ Зокиров дар ноҳия сохтмони қасри фарҳанг муташаккилона ҷараён дорад. Сардори хадамоти назорати техникии мақомоти иҷроияи ҳокимияти давлатии ноҳия Муҳаббат Файзов вобаста ба ин мавзӯъ гуфт,ки Қасри фарҳанг барои 420 ҷой сохта шуда, маблағи умумии он 5.5 миллион сомониро ташкил медиҳад. Ба қавли ӯ дар соли 2008 маблағи 100 ҳазор сомонӣ баҳри корҳои сохтмонӣ ва васлгирӣ масраф гардида, дар соли 2009 барои идомаи кори сохтмон 800 ҳазор сомонӣ ҷудо гардидааст. Қасри фарҳангро коргарони ҶДММ «Симбод сохтмон» месозанд.  Мувофиқи нақша, ояндаи наздик дар ноҳия бо маблағи бюҷаи Ҷумҳурӣ ва маҳалӣ бинои Шӯрои ҷамоати шаҳраки Ленинград ба маблағи 450 000 сомонӣ, хати канализатсия дар посёлкаи Ленинград ба маблағи 200 ҳазор сомонӣ, сохтмони мактаб барои 100 хонанда дар ҷамоати Чилдухтарон ба маблағи 300 ҳазор сомонӣ сохта мешавад гуфт Муҳаббат Файзов.