СОХТМОНИ БИНОИ НАВ ДАР КӮЛОБ

               Кӯлоб 31 март. (АМИТ «Ховар», Сулаймон Холов, Зебо Иноятова).-Дар шаҳри Кӯлоб бо сарпарастии Агентии ҳифзи Иҷтимоӣ ва нафақаи Ҷумҳурии Тоҷикистон сохтмони бинои маъмурӣ ва коркарди иттилооти Агентии суғуртаи иҷтимоӣ ва нафақаи вилояти Хатлон вусъат меёбад. Сохтмони бинои мазкур аз тарафи ширкати серсоҳавии хусусии истеҳсолӣ ва тиҷоратии «Марҷона» ба итмом хоҳад расид. Мувофиқи нақша бино аз 4 ошёна ва зиёда аз 54 утоқи корӣ иборат буда, маблағи он беш аз 7 миллион сомониро дар бар мегирад. Файзали Алиев сардори ширкат вобаста ба ин мавзӯъ гуфт: «Айни ҳол дар сохтмони бино 20 нафар сохтмончиён ба сохтани таҳкурсӣ машғуланд. Дар соли 2009- 400 ҳазор сомонӣ ба нақша гирифта шуда 100 ҳазор сомонии он масраф гардидааст». Аз тарафи ин ширкат дар ояндаи наздик барои обёрӣ намудани маҳаллаҳои Сино, Вализода ва Ҷомӣ бо маблағи 860 ҳазор сомонӣ корҳои сохтмонӣ оғоз мегардад.