СОЗМОНИ ҶАҲОНИИ ТАНДУРУСТӢ КАЛОНСОЛОНРО ОГОҲ МЕКУНАД

                       Душанбе, 4 март. (АМИТ «Ховар», Наргис Бояхмедова). — Аз рӯи маълумоти Созмони ҷаҳонии тандурустӣ, солҳои охир теъдоди бештари одамони аз 50 — сола боло ба бемории хавфноки ВИЧ гирифтор мешаванд. Дар хабари дафтари матбуоти СММ гуфта мешавад, ки духтурону мутахассисон ба паҳн гардидани беморӣ дар байни одамони калонсол таваҷҷӯҳ зоҳир намекунанд.                       Қайд карда мешавад, ки солҳои охир дар ҷараёни ташхиси одамон мардони аз 65 — сола ва занони аз 50 — сола боло барои ошкор сохтани бемории ВИЧ ташхис карда нашудаанд. Дар ИМА зимни ташхиси саросарии аҳолӣ дар бораи саломатии одамони аз 49 — сола боло умуман маълумот гирифта намешавад.                         Коршиносони Созмони ҷаҳонии тандурустӣ бар ин ақидаанд, ки одамони аз 5 то 14 солаи ба бемории ВИЧ гирифторшуда то 13 сол зиндагӣ карда метавонанд. Одамони аз 65 сола боло, ки ба ин беморӣ гирифтор шудаанд, дар давоми 4 сол вафот мекунанд. Сабаби ин вазъият коҳиш ёфтани муқовимати организми инсон ба бемориҳои гуногун мебошад.