ТӮҲФАИ ҲОҶИ – ОЯ

                   Истаравшан, 3 март. (АМИТ «Ховар», Ҳусейни Нарзулло) -Дар ноҳияи Ғончӣ аз ҷониби ашхоси алоҳида таъмин гардидани мактабҳо бо компютерҳои нав ба ҳукми анъана даромадааст.                    Бино ба гуфтаи муовини раиси ноҳия Зебуннисо Азимова, сокини деҳаи Эшонқурғон ҳоҷи — оя Вориса Нуруллоева ба мактаби таҳсилоти умумии рақами 14 як баста компютер бо принтераш тӯҳфа кард. В. Нуруллоева қаҳрамонмодар буда соҳиби 10 фарзанди баркамол аст. Ӯ ҳангоми сафари Ҳаҷ ният карда будааст, ки баъди баргаштан аз зиёрати хонаи Худо ҳатман ба мактабе, ки дар он фарзандонаш таҳсил кардаанд, кӯмак мерасонад.