ТӮЙҲО ДАР ДОИРАИ ҚОНУНИ ТАНЗИМ ГУЗАРОНИДА МЕШАВАД

                 Истаравшан, 3 март. (АМИТ «Ховар», Ҳусейни Нарзулло) — Бино ба гуфти мудири шуъбаи дастгоҳи раиси ноҳияи Зафаробод Х. Партобов дар аксари ҷамоатҳои деҳоти ноҳияи мазкур гузарондани чорабиниҳои «Дар бораи танзими анъана ва ҷашну маросимҳо дар Ҷумҳурии Тоҷикистон» баргузор гардида, аҳамияти камхарҷ гузаронидани онро кормандони масъул ба мардум мефаҳмонад.                  Ба наздикӣ дар беморхонаи марказии ноҳияи номбурда рафти татбиқи Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» баррасӣ гардид, ки дар он аксари кормандони тиб ҳузур доштанд. Дар ҷамъомад аъзоёни комиссияи доимии танзими анъана ва ҷашну маросимҳои ноҳия, сармуҳаррири рӯзномаи ноҳиявии «Зарбдор» А. Иброҳимов ва раиси Шӯрои собиқадорони ҷангу меҳнат Р. Муллоҷонов ва дигарон ба сухан баромада оид ба боз ҳам камхарҷ кардани маъракаҳо андешаҳои худро баён намуданд.                   Мақсади асосии мо, — мегӯяд, ӯ татбиқи қонуни мазкур дар ҳаёт аст.