ТАҲИЯИ ЛОИҲАИ ҶУБРОНИ ИСТИФОДАИ ХИЗМАТИ НАҚЛИЁТ БАРОИ ИШТИРОКЧИЁНИ

                   Душанбе, 17 март (АМИТ «Ховар», Таҳмина Ғоибназарова). — Вазорати меҳнат ва ҳифзи иҷтимоии ҷумҳурӣ лоиҳаи ҳуҷҷатро дар бораи тартиб ва ҳаҷми пардохти ҷуброни истифодаи хизмати нақлиёт барои иштирокчиён ва маъюбони Ҷанги Бузурги Ватанӣ ва шахсони дигари бо онҳо ҳуқуқи баробардоштаро таҳия намуд. Ҳуҷҷат бо мақсади иҷрои банди 34 — юми Нақшаи амалӣ сохтани барномаи ҳифзи иҷтимоии аҳолӣ таҳия карда шудааст. Мувофиқи банди аввали ҳуҷҷат, ба иштирокчиён ва маъюбони Ҷанги Бузурги Ватанӣ ва шахсони дигари бо онҳо ҳуқуқи баробардошта, ҳақки истифодаи хизмати нақлиёти шаҳрӣ ва музофотии истифодаи умумӣ чӣ дар дохили шаҳр, чӣ дар деҳот ва чӣ дар ҳудуди ноҳияҳои маъмурӣ ҷуброн карда мешавад.                  Банди дуюми он ба пардохти маблағи хизматрасонии техникии воситаҳои нақлиёти шахсии иштирокчиёну маъюбони ҶБВ ва шахсони дигари бо онҳо ҳуқуқи баробардошта кафолат медиҳад. Инчунин, иштирокчиёни ҷанг ва шахсони бо онҳо ҳуқуқи баробардошта метавонанд, ҳар сол як бор бепул ба ҳамаи мамлакатҳои ИДМ сафар кунанд.Ҳуҷҷати мазкур ояндаи наздик барои муҳокима ва мувофиқа ба вазоратҳои молия, адлия, нақлиёту коммуникатсия ва ташкилоту идораҳои дигар фиристода хоҳад шуд.                  Мухбири АМИТ «Ховар» хабар медиҳад, ки ҳуҷҷати мазкур баъди 15 апрел эътибор пайдо хоҳад кард.