ТАЛОШҲОИ МО БОЯД АМАЛӢ ШАВАНД

                      Душанбе, 30 март. (АМИТ «Ховар», Лаззат Диловарзод).- Дар наврӯзи соли ҷорӣ вохӯрии вазирони корҳои хориҷии Тоҷикистон, Эрон ва Афғонистонро дар вилояти Балх пайвандгарони роҳи иқтисодии давлатҳои форсзабон номгузорӣ намуданд. Мақсади асосии ин вохӯрӣ пеш аз ҳама амалӣ шудани сохтмони роҳи оҳан миёни ин се давлати ҳамзабону ҳамфарҳанг буд.                      «Танҳо дар сурати амалӣ шудани ин лоиҳа Тоҷикистон аз бумбасти коммуникатсионӣ , баромада метавонад, вагарна дигар ҳама суханҳои «баромадан аз бумбасти коммуникатсионӣ» ҷуз ҳарфҳои хушку холӣ чизи дигар нахоҳад буд», -мегӯяд коршинос Байзо Нуруллоев.                       Ба гуфти мутахассисон ин роҳ «Роҳи оҳани Ҷалолиддини Румӣ-Панҷи Поён-Шерхонбандар-Ҳирот-Машҳад-Халиҷи Форс» бояд бошад, то тавонад дар рушди иқтисоди кишварҳои ҳамсоя, бахусус Тоҷикистон хуб мусоидат намояд.