ТАРҒИБИ ТАНЗИМ — КОРИ МУҲИМ

               Истаравшан, 4 март. (АМИТ «Ховар», Ҳусейни Нарзулло) — Дар маҷлисгоҳи мақомоти иҷроияи ҳокимияти давлатии шаҳр машварати минтақавӣ дар мавриди рафти иҷрои Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» доир гардид, ки дар кори он намояндагони навоҳии Ғончӣ, Шаҳристон, Зафаробод, Спитамен ва шаҳри Истаравшан ширкат доштанд.               Машваратро муовини аввали раиси шаҳр Ф. Султонов ифтитоҳ намуд.                Сардори раёсати танзими анъана ва ҷашну маросимҳои Дастгоҳи иҷроияи Президенти Ҷумҳурии Тоҷикистон А. Холиқов дар бобати дастовардҳои ҷомеа пас аз тасвиби Қонуни мазкур, камхарҷ гардидани тӯю маъракаҳо ва ҳамчунин дар ҷойҳо мавҷуд будани камбудию норасоиҳо дар ин бобат сухан карда вазифаҳои ҷомеа ва оммаро дар соли 2009 муайян намуд.                 Сипас, раиси Шӯрои уламои дини ҷумҳурӣ А. Неъматзода, раиси Донишгоҳи давлатии Хуҷанд ба номи академик Б.Ғафуров Н. Салимов роҷеъ ба роҳу усулҳои татбиқи Қонун дар маҳалҳо фикру андешаҳои ҷолиб баён доштанд.