ТОҶИКИСТОН БА СОЗИШНОМАИ ТАЪСИСИ БОНКИ РУШДИ ЕВРАЗИЯ ҲАМРОҲ МЕШАВАД

                     Душанбе, 10 март.(АМИТ «Ховар», Марзия Саидова).-Лоиҳаи Қонунҳои Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи муфлисшавӣ», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҷамъиятҳои саҳомӣ», «Оид ба ворид намудани тағйирот ба Қонуни Ҷумҳурии Тоҷикистон «Дар бораи иҷозатномадиҳӣ ба баъзе намудҳои фаъолият», Оид ба ворид намудани илова ба Қонуни Ҷумҳурии Тоҷикистон «Дар бораи маориф», Оид ба ворид намудани иловаҳо ба Қонуни Ҷумҳурии Тоҷикистон «Дар бораи таҳсилоти ибтидоии касбӣ», Оид ба ворид намудани иловаҳо ба Қонуни Ҷумҳурии Тоҷикистон «Дар бораи таҳсилоти олии касбӣ ва таҳсилоти касбии баъд аз муассисаи олии таълимӣ» аз масъалаҳое буданд, ки дар ҷаласаи Шӯрои Маҷлиси намояндагони Маҷлиси Олии мамлакат 9 март дар Душанбе баррасӣ гардиданд.                    Ҳамзамон, аъзои Шӯро масъалаи ҳамроҳшавии Ҷумҳурии Тоҷикистон ба Созишнома оид ба таъсиси Бонки Рушди Евразия, дар бораи Оинномаи Созмони Конфронси Исломӣ ва дигар санадҳои байналмилалиро муҳокима намуданд.                   Дар анҷом масъалаҳои баррасишуда, ҷиҳати муҳокима ба ҷаласаи навбатии иҷлосияи панҷуми Маҷлиси намояндагони Маҷлиси Олии ҷумҳурӣ даъвати сеюм, ки 10 март дар Душанбе баргузор мегардад, пешниҳод карда шуданд.