«ТОҶИКТЕКСТИЛМАШ» ДАРХОСТ ҚАБУЛ МЕКУНАД

                Душанбе, 30 март. (АМИТ «Ховар», Лаззат Диловарзод).-Баробари сар шудани корҳои саҳроӣ фармоишгарон барои қисмҳои эҳтиётии мошинҳои кишоварзӣ ба корхонаи калонтарини мошинолоти ҷумҳурӣ — «Тоҷиктекстилмаш» дархост пешниҳод мекунанд.               Бо дархости «Агролизинг» «Тоҷиктекстилмаш» ба истеҳсоли сипорҳои такмилёфта оғоз кард. Корхона тибқи дархост дар навбати аввал 32 сипор барои тракторҳои навъи тасмачарх истеҳсол мекунад.Корхона бо «Агролизинг» дар бораи истеҳсоли сихмола ва ғаллакӯбак шартнома ба имзо расонданист.                Ба гуфти ҷонишини директор оид ба корҳои истеҳсолӣ Комил Сангаков, дар асоси дархост маҳсулоти корхона нисбатан арзон дастраси хоҷагидорон гардонида мешавад. Ба наздикӣ аввалин култиватор дар станстсияи таҷрибавии ҷумҳурӣ аз санҷиш мегузарад ва имконияти ба таври васеъ ба роҳ мондани он дар истеҳсолот вуҷуд дорад.