ТОМАС МАРКЕТ БО СУДЯҲОИ СУДИ КОНСТИТУТСИОНИИ ҶТ ВОХӮРД
Душанбе, 14-уми март, (АМИТ «Ховар», Наргис Бойаҳмадова). — Дар Душанбе вохӯрии муовини Суди Конститутсионии Ҷумҳурии Тоҷикистон Мустафо Назаров ва судяҳои Суди конститутсионӣ ҶТ бо муовини котиби иҷроияи Комиссияи Венетсиягии Иттиҳоди Аврупо Томас Маркет баргузор гардид. Ин ҷамъомад дар доираи Барномаи ҳамкорӣ байни Иттиҳоди Аврупо ва кишварҳои Осиёи Марказӣ ба Ҷумҳурии Тоҷикистон ташриф овардаанд, доир шуд. Зимни мулоқот Томас Маркет иброз намуд, ки яке аз самтҳои афзалиятноки фаъолияти Комиссияи Венетсиягии Иттиҳоди Аврупо ин дастгирӣ ва ёрии ҳамаҷониба расонидан ба Судҳои конститутсионии давлатҳои Ҷаҳон бо мақсади инкишофи адолати башарӣ дар соҳаи риояи ҳуқуқи инсон буда, дар ин раванд пайваста чорабиниҳои гуногунро ба амал мебарорад. Аз ҷумла, Томас Маркет оид ба ҷидду ҷаҳди якҷояи Комиссияи Венетсиягӣ ва Суди конститутсионии Ҷумҳурии Африкаи Ҷанубӣ , ки 22-24 январи соли равон дар шаҳри Кейптауни ин ҷумҳурӣ дар мавзӯи «Адолати конститутсионӣ» Конференсияи якуми умумиҷаҳонии Судҳои конститутсионӣ баргузор гардида буд, сухан кард. Вай қайд намуд, ки иштирокчиёни конференсия ба хулоса омаданд, ки адолати конститутсионӣ восита ва далели бебаҳси устувор намудан ва такомул бахшидан ба арзишҳои асосии дар Конститутсияҳои давлатҳои Олам таҷассумёфта буда, он дар асоси фаъолияти судҳо ва шӯроҳои конститутсионӣ амалӣ мегардад ва санадҳои қабулнамудаи онҳо дар ҷамъият аҳамияти ҳалкунанда дорад. Дар ин конфронси бонуфуз муовини Раиси Суди конститутсионӣ Мустафо Назаров аз ҷумҳурии мо ширкат карда буд. Ба гуфти М.Назаров дар ин Конференсияи ҷаҳонӣ, ки зиёда аз 400 нафар 93 давлатро намояндагӣ мекарданд бисёр муҳим ва муфид арзёбӣ кард. Томас Маркет омодагии Комиссияи Венетсиягии Иттиҳоди Аврупоро дар самти ҳамкорӣ ва саҳм гирифтан дар табодули таҷрибаи судяҳои Суди конститутсионӣ бо Судҳои конститутсионии таҷрибадори ҷаҳон ва гузаронидани форуми минтақавӣ бо ҷалби коршиносони Комиссияи мазкур иброз намуд.
Имрӯз дар ноҳияҳои кӯҳии Тоҷикистон бориши борон дар назар аст
КОНСТИТУТСИЯ — РАҲНАМОИ ДАВЛАТДОРИИ МИЛЛӢ. Дар ноҳияи Ёвон ҳамоиши тантанавӣ баргузор шуд
Конститутсия кафолати адолати иҷтимоӣ, сулҳу ваҳдат ва рушди устувор аст
Бахшида ба Рӯзи Конститутсия дар Вазорати рушди иқтисод ва савдо ҳамоиши тантанавӣ доир шуд
Дар ноҳияи Рӯдакӣ бахшида ба Рӯзи Конститутсия конференсияи илмӣ-назариявӣ доир шуд
Рӯзи Конститутсияи Тоҷикистон дар Вазорати энергетика ва захираҳои об бошукуҳ таҷлил гардид
Бахшида ба 32-солагии қабули Конститутсия дар Кумитаи давлатии идораи замин ва геодезӣ ҷамъомади тантанавӣ доир шуд
Дар мавзуи «Конститутсияи Тоҷикистон дар масири таҳкими давлатдории миллӣ ва сиёсати созанда» ҳамоиши илмӣ доир шуд
Дар Вазорати адлия бахшида ба Рӯзи Конститутсияи Тоҷикистон ҳамоиш доир гардид
КОНСТИТУТСИЯ ВА ТАҚДИРИ МИЛЛАТ. Аз андешаи давлатдорӣ то фарҳанги созандаи ҷомеа
Конститутсияи Ҷумҳурии Тоҷикистон санади муҳиму сарнавиштсоз барои миллати тоҷик аст
