ВАКИЛОНИ МАРДУМӢ ЭЪТИРОЗ НАМУДАНД

                 Душанбе, 30 март. (АМИТ «Ховар», Лаззат Диловарзод).-Ҳангоми ҳисобот дар бораи иҷрои нақшаи буҷет вазири молия Сафаралӣ Наҷмиддинов мавриди бархӯрди вакилони Маҷлиси намояндагон қарор гирифт. Ба ақидаи вазир маблағҳои буҷавӣ мақсаднок истифода гардиданд. Аз ҷумла маблағҳои буҷавӣ дар иншооти ҳаётан муҳим, аз қабили тунелу нерӯгоҳ ва роҳҳои аҳамияти байналмилалӣ дошта истифода гардидааст.                 Ба ақидаи вакили мардумӣ Юсуфҷон Ахмедов, маблағи буҷа дар бисёр маврид нодуруст истифода мешавад, ба ҷои он ки дар кишвар иншоотҳои иқтисодӣ сохта шавад, маблағи буҷаро дар сохтмони иншооти фарҳангӣ ва чорабиниҳои базмӣ сарф мекунанд. Ин аст ки бозорҳои кишварро маҳсулоти камсифати давлатҳои Чин, Покистон ва дигар давлатҳои ба Тоҷикистон ҳамсарҳад пур кардаанд. Нархи маҳсулот бошад дар бозорҳои кишвар сол аз сол афзоиш меёбад.