ЗИМИСТОНГУЗАРОНИИ ЧОРВО ХУБ МЕГУЗАРАД

                   Душанбе, 6 феврал. (АМИТ «Ховар», Лаззат Диловарзод).-Тибқи маълумоти омори ноҳияи Ҳисор, то 20-уми феврали соли 2009 дар хоҷагиҳои кишоварзӣ ва деҳқонӣ (фермерӣ)-и ноҳия саршумори чорвои калони шохдор ба 5205 сар, аз ҷумла 1871 сар гови ширдеҳ, 15 ҳазору 879 сар гӯсфанду буз, 1042 сар асп парвариш карда мешавад.                   Дар ноҳия 80 фермаҳои чорвои калони шохдор ва 35 адад қашарҳои моли майда барои зимистонгузаронии чорво мавриди истифодаи хоҷагиҳо қарор доранд. Дар назди ҳар қашар 100-150 дона пресси коҳ ва 5-8 тоннагӣ хӯроки консентратӣ захира карда шудааст. Ҳамчунин, барои зимистонгузаронии чорво 20 ҳазору 879 тонна хӯроки дурушт, 10 ҳазору 938 тонна хӯроки ширадор ва 25 тонна ем захира карда шудааст.