ҚОҲИР РАСУЛЗОДА: «КАМБУДИҲО НИЗ КАМ НЕСТАНД!»
Истаравшан, 2 апрел. (АМИТ «Ховар», Ҳусейн Нарзулло).- Бархе мактабиён баъди хатми синфи 9 аз мактаб берун мемонанд, чунки онҳо аз шароити оддии таҳсил маҳруманд,- гуфт Раиси вилояти Суғд, муовини аввали Раиси Маҷлиси миллии Маҷлиси Олии Ҷумҳурии Тоҷикистон Қоҳир Расулзода ҳангоми сафари навбатии корияш ба шаҳри Истаравшан ва мулоқот бо фаъолони шаҳру ноҳия. Ҳолати садамавии бинои мактаби таҳсилоти умумии №36, фарсудагиву таъмирталабии Омӯзишгоҳи касбию техникии №14 ва дигар муассисаву корхонаҳо Раиси вилояти Суғдро ба чунин хулоса овардааст. Бинобар ин, ӯ дар баромади хеш таъкид ба амал овард, ки дар хоҷагии халқи шаҳри Истаравшан дар баробари дастовардҳо дар соҳаҳои иқтисод, сохтмон, кишоварзӣ (масалан соҳаи кишоварзии шаҳр аз ҷамъбасти натиҷаҳои соли 2008 дар байни шаҳру навоҳии вилоят соҳиби мақоми аввал ва ҷоизаи «Тоҷи заррин» гардид) ва ғайра камбудию норасоиҳо низ кам нестанд. Мавсуф дар ин бобат ба таври бояду шояд иҷро нагардидани Муроҷиати Сарвари давлат оид ба таъсиси гармхонаҳо, афзоиш додани истеҳсоли меваю сабзавот ва ба ин васила коҳиш додани нархи наво дар бозорҳо, истифодаи самаранок аз захираҳои мавҷуда дар мавриди барқарор кардани боғу токзорҳои кӯҳна, кашол ёфтани баъзе аз сохтмонҳои нотамом, вазъи ногувори роҳҳои автомобилгарди шаҳр, обуна ба рӯзномаю маҷаллаҳо, сустии корҳои тарғиботию таблиғотиро мисол овард. Ӯ ҳамчунин дар бобати ҳаллу фасли ин камбудиҳо, роҳҳои эмин мондан аз бӯҳрони шадиди иқтисодии ҷаҳонӣ, тавсиаи истеҳсолот ва вусъат додани корҳои созандагию бунёдкорӣ, беҳтар намудани рӯзгори мардум ва соири дигар масоили мубрами рӯз вазифагузорӣ кард. -Агар мо пеши роҳи камбудию нуқсонҳоро нагирем, онҳо ба нуқсонҳои ҷиддӣ мубаддал мешаванд,- зикр намуд ӯ. Бояд зикр намуд, ки Раиси вилояти Суғд Қоҳир Расулзода ҳини сафари хеш аз як қатор корхонаю ташкилот ва иншооту хоҷагиҳо дидан ба амал оварда, ба маркази тиби оилавӣ як баста компютер ва ба як қатор муассисаҳо, аз қабили литсей-интернати шаҳр телевизорҳои ранга ва ба 41 нафар тарбиятгирандагони ин парваришгоҳ, ки аз оилаҳои камбизоатанд, тӯҳфаҳо супорид. Таҳрири Жасмин Назарова
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
