ҲАМИД КАРЗАЙ ДАР ИНТИХОБОТИ ПРЕЗИДЕНТИ АФҒОНИСТОН ШИРКАТ МЕВАРЗАД

                     Кобул, 28 апрел. (АМИТ «Ховар» — Синхуа). — Президенти ҳозираи Афғонистон Ҳамид Карзай зимни нишасти матбуотии ҳамроҳи сарвазири Британияи Кабир Гордон Браун гузаронидааш изҳор намуд, ки дар интихоботи президенти нави мамлакат иштирок хоҳад кард. Интихоботи президенти Афғонистон 20 август баргузор мегардад.                    Қайд карда шуд, ки Ҳ.Карзай дар мӯҳлати муқарранамудаи Комиссияи марказии интихобот ҳамчун номзади мансаби Президент ба қайд гирифта хоҳад шуд. Сабти номи номзадҳои президенти Афғонистон аз 25 апрел оғоз ёфта, то 8 май давом мекунад. Бояд гуфт, ки то имрӯз ягон номзад ба қайд гирифта нашудааст.                                                                          Тарҷумон — Қудратов А.