Ҳ.КАРЗАЙ: «ТЕРРОРИЗМРО БЕ ҲАМКОРИИ МИНТАҚАВӢ МАҒЛУБ КАРДАН ИМКОНН

              Гаага, 6 апрел. (АМИТ «Ховар» — Инфошос). — Президенти Афғонистон Ҳамид Карзай дар конфронси дар Гаага баргузоргардида изҳор намуд, ки дар мубориза ба муқобили терроризм бе ҳамкории самимонаю ҳамаҷонибаи давлатҳои минтақа ба ғалаба ноил гардидан мумкин нест. Тавре хабар дода шуда буд, дар конфронси мазкур Президенти Афғонистон Ҳамид Карзай, муншии умумии СММ Пан Ги Мун, намояндаи махсуси СММ дар Афғонистон Кай Эйде, вазирони корҳои хориҷии Русия, ИМА ва мамлакатҳои дигар ширкат варзиданд.  Дар он намояндагони бештар аз 75 мамлакати ҷаҳон ширкат дошт.               Муовини вазири корҳои хориҷии Эрон Муҳаммад Маҳдии Охундзода дар конфронс изҳор намуд, ки Теҳрон тайёр аст, бо Афғонистон дар мубориза ба муқобили хариду фурӯши ғайриқонунии маводи нашъадор ҳамкорӣ кунад. Вай зикр намуд, ки мамлакаташ ба Афғонистон барои барқарор сохтани иқтисодиёти он дар давраи баъди ҷанг кӯмак мерасонад. Президенти ИМА Б.Обама чанде пеш дар бораи барномаи нави стратегии Вашингтон дар Афғонистон ва Покистон сухан ронда, пешниҳод карда буд, ки бо иштироки мамлакатҳои ҳамсояи ин давлатҳо ва аъзоёни Созмони ҳамкории Шанхай гурӯҳи тамос ташкил карда шавад.