ҲОЛАТИ МЕЛИОРАТИВИИ ЗАМИНҲОИ ХАТЛОН БЕҲБУДӢ МЕТАЛАБАД

                Қӯрғонтеппа, 15 апрел. (АМИТ «Ховар», Мурод Сотиев). Баҳри беҳтар намудани вазъи мелиоративии заминҳои вилояти Хатлон тибқи нақша бояд дар майдони 5 ҳазору 665 гектар замин корҳои тозакунии заҳбуру заҳкашҳо анҷом дода шаванд. Тавре сардори идораи хоҷагии оби вилояти Хатлон Мирзо Собиров ба АМИТ «Ховар» иттилоъ дод, бо мақсади иҷро намудани корҳо аз буҷаи маҳаллӣ зиёда аз 2 млн. 591 ҳазор сомонӣ ҷудо карда шудааст. Ба иттилои манбаъ, корҳо оиди беҳтар намудани ҳолати мелиоратвии заминҳо дар семоҳаи аввал 86 % иҷро гардидаанд. «Лекин дар ин самт корҳо дар ноҳияҳои Шаҳритус, Вахш, Румӣ ва ноҳияи Носири Хусрав хуб ба роҳ монда нашудаанд»-афзуд манбаъ.