ҶАМЪИЯТИ САҲҲОМИИ «ЧАРОҒ» ЛАМПАҲОИ ДИОДӢ ИСТЕҲСОЛ МЕКУНАД

                 Душанбе, 27 апрел. (АМИТ «Ховар», Лаззат Диловарзод).- Аз дастгоҳи раиси вилояти Суғд иттилоъ доданд, ки дар асоси супориши Сарвари давлат Ҷамъияти саҳомии «Чароғ»-и шаҳри Исфара ӯҳдадор шудааст, ки истеҳсоли чароғҳои диодиро ба роҳ монад.                 Алҳол мутахассисон накшаи иқтисодии истеҳсоли лампаҳоро ба комиссияи истеҳсолии соҳаи саноатии кишвар пешниҳод намуданд.Ба андешаи мутахассисон истеҳсоли лампаҳои диодии ватанӣ нисбат ба воридоти он аз хориҷи кишвар як баробар арзонтар хохад буд. Агар арзон будани лампаҳои диодии кишвар як тарафи кор бошад, тарафи дигари он, пайдо кардани ҷойҳои нави корӣ дар асоси супориши Сарвари давлат мебошад. Аз дигар ҷиҳат, фаъол шудани корхонаҳои саноатӣ боиси бештар ба буҷаи ҷумҳурӣ ворид гардидани маблағҳо низ мегарданд.