ҶАСАД ДАР ТАГИ ТАРМА

                Душанбе, 22 апрели. (АМИТ «Ховар», Жасмин Назарова). — Рӯзи 19 апрели соли ҷорӣ, соати 16 дар ағбаи Шаҳристон, дар километри 190 шоҳроҳи Душанбе-Хуҷанд аз рӯи маълумотҳои пешакӣ, тахминан 3-4 автомашинаи гуногунтамға зери тарма мондаанд.                Тавре аз дафтари матбуоти Кумитаи ҳолатҳои фавқулодда ва мудофиаи граждании ҶТ Дустмурод Забиров иттилоъ дод, дастаи зудамали наҷотдиҳандагони Ситод оид ба ҳолатҳои фавқулодда ва мудофиаи граждании вилояти Суғд зуд ба ҷои ҳодиса ҳозир шуда, ба корҳои ҷустуҷӯӣ-наҷотдиҳӣ cap кард. Дар натиҷа аз зери барф, аз дохили автомашинаи тамғаи «Тoyоtа» RAV-4, ҷасади шаҳрванд Ғаффоров Ориф Раҷабович, соли таваллудаш 1965, сокини деҳаи Шӯрчаи ҷамоати деҳоти Халифа Ҳасани ноҳияи Панҷакент дарёфт карда шуд.               Корҳои ҷустуҷӯӣ идома доранд.