9 МАЙ ДАР ПОЙТАХТ РАСМИ ГУЗАШТИ НИЗОМӢ БАРГУЗОР МЕГАРДАД

                 Душанбе, 22 апрел. (АМИТ «Ховар», Таҳмина Ғоибназарова). — Аз дафтари матбуоти Вазорати мудофиаи ҷумҳурӣ ба АМИТ «Ховар» хабар доданд, ки ба шарафи 64 — солагии ғалаба дар Ҷанги Бузурги Ватанӣ дар Боғи Ғалабаи пойтахт расми гузашти низомӣ баргузор хоҳад гашт. Дар он ҷузъу томҳои низомии Гарнизони Душанбе, Вазорати мудофиа, артиши марзбони Кумитаи давлатии амнияти миллӣ, Гвардияи миллӣ, Артиши дохилӣ ва Кумитаи ҳолатҳои фавқулодда ва мудофиаи шаҳрвандии назди Ҳукумати ҷумҳурӣ иштирок менамоянд.                Айни ҳол интихоби ҷузъу томҳои беҳтарин барои иштирок дар расми гузашти низомӣ давом дорад. Расми гузашти низомӣ таҳти роҳбарии сардори Гарнизони Душанбе, генерал — майор Латиф Файзиев гузаронида мешавад.