АМАЛӢ ШУДАНИ ЛОИҲАҲО ШУМОРАИ БЕКОРОНРО КАМ МЕКУНАД

              Душанбе, 13 апрел. (АМИТ «Ховар», Лаззат Диловарзод).- Бино ба гуфти вазири меҳнат ва ҳифзи иҷтимоии аҳолӣ Шукурҷон Зуҳуров, яке аз роҳҳои кам кардани шумораи бекорон дар кишвар ҷалби аҳолӣ дар амалӣ намудани лоиҳаҳои пешбинишуда оид ба сохтмони роҳу коммуникатсия ва дигар чорабиниҳои давлатӣ мебошад.              Шумораи бекорони расмӣ эътирофшуда 43 ҳазору 371 нафарро ташкил медиҳад.              «Агар дар амалӣ шудани ҳар лоиҳае, ки аз 50 то 200 млн. сомонӣ маблағгузорӣ мешавад, то 200 нафар коргар ба ҷои кор таъмин гардад, он вақт имкони 10 ҳазор ҷои кори доимӣ дар мамлакат пайдо шуда, маблағи лоиҳаҳо дар дохили кишвар хоҳад монд ва аз тарафи дигар ба буҷа низ аз ин ҳисоб маблағи зиёд ворид хоҳад шуд»,-иброз намуд вазир.